InterRAI HC - Heildrænt heimaþjónustumat er matskerfi fyrir heimahjúkrun og félagslega heimaþjónustu sveitarfélaga og  heilbrigðisstofnana.

InterRAI-mat (Raunverulegur Aðbúnaður Íbúa) er aðferð til þess að meta heilsufar og aðbúnað eldri borgara sem þiggja heimahjúkrun eða félagslega heimaþjónustu.

InterRAI HC er systurkerfi InterRAI MDS 2.0 - Heildræna hjúkrunarheimilismatsins. En bæði kerfin nota hina stöðluðu aðferðarfræði InterRAI-matslyklakerfisins til þess að meta gæði samkvæmt staðlaðri aðferðarfræði InterRAI-matskerfisins.

Matskerfið er notað víða um land en búið er að bjóða öllum ummönnunarstofnunum og sveitarfélögum sem sinna heimahjúkrun og félagslegri heimaþjónustu að taka kerfið í notkun.

Aðferðin varð til í Bandaríkjunum árið 1986 en hefur síðan verið þýdd og staðfærð víða um heim í fjölþjóðlegu samstarfi sem nefnist Inter-RAI. Þátttaka Íslands í þessu samstarfi hófst 1993. Notkun aðferðarinnar er háð höfundarrétti en heilbrigðisráðuneytið hefur gert samning við Inter-RAI sem heimilar Stika notkun RAI-aðferðarinnar í þessu nýja upplýsingakerfi.

Samkvæmt reglugerð er skylt að meta heilsufar og aðbúnað reglulega og byggja matið á RAI-aðferðinni.

Skoðið www.interrai.org til að fá nánari upplýsingar um alþjóðlega inter RAI verkefnið.